الفندق ممتاز بالموقع فقط لانة قريب من شارع اكسفورد وجوان رود بس عيبة الغرف صغيرة ومايسوى سعرة غالي حيييل الفطور حييل زحمة من كثرة الناس وكلة خلجيين وبفترة اقامتنا جرس الانذار للحريق رن يمكن أكثر من مرتين ونضطر للنزول وبعدين يطلع جرس الانذار غلطان وما في شي

مكان الفندق جدا ممتاز بس المشكله وااااايد زحمه والغرف صغيره مب نفس اللي في الصور يعني الصور شي والطبيعه شي ثاني

مره يعجبني فندق كمبلاند ويعتبر أفضل موقع فندق في لندن موقع فندق الكمبرلاند وبنسبه للغرف فيه بعض الغرف صغار وبعض الغرف كبار وكلها بنفس السعر فاذا وصلت الفندق وماعجبتك الغرفه اطلب منهم يعطونك غرفة اكبر والفندق فية مبنين مبني قديم ومبني جديد المبنى القديم هو الي فيه البي والمبني الجديد هادي مره وغرفه انظف .

يتميز بموقعه الاستراتيجي وصحيح اكثر غرفه صفير لكن نظيف جداً وهادئ الا في اوقات الذروة من الطبيعي يصير زحمه وقريب منه مره مطعم مروش (لبناني)

من افضل الاوتيلات في لندن .. موقعه مره استراتيجي .. الهايدبارك قدامك .. وشارع العرب يسارك .. والاكسفورد يمينك .. جامع الكل في مكانه الحلو .. صحيح انه زحمة واغلبهم خليجيين .. بس على الاقل متعودين علينا .. وعارفين طبعنا وخدومين .. لو الغرفه ماعجبتك عادي انزل وغيرها .. وترا فيه غرف كبيرهـ وغرف صغيرهـ .. قبل تاخذ غرفتك عطهم خبر انك راح تغيرها اذا ماعجبتك ..

الفندق وايد حلوه...... واحلى مافيه انا خدمتهم راقيه ...... وهذا هم شي عندي .... والجناح او (السويت) وااااااااااااااااايد حلو وراقي ......... والموقع حلو ........ قريب من كل شي .......واختيار موفق ... ثانكس

صج واااايد حلو موقعه وقريب من كل شي ما تحتاج توصيل وهالسوالف اما بخصوص الغرف فهي حلوه بس صغيره وخدمتهم جد راقيه. تقبلوا مروري

موقع إلي سوف يزور لندن لأول مره

اتمنى ان يكون كل ما كتب صحيح على قولة القايل ليس الخبر كالمعاينه

ما قد نزلته بس كثير يقولو لي إنه مررره رهيب جامع بين : الموقع الخطير + النظافة والترتيب + السعر المعقول

هو فندقي المفضل لكل زياراتي الى لندن---- موقع حلو وقريب من مراكز التسوق ونظيف وخدمه راقيه ويمكن تغيير الغرفه في حال رغبتك لغرفه اكبر وهذا ماحدث معي حيث اعطيت غرفه جداً صغيره وغيرت بغرفه تفوق الأولى سعة وموقعاً دون دفع اي فروق في السعر-------- وبالتوفيق للجميع

اخواني وخواتي الكرام تحية وتقدير من بريدة عاصمة القصيم ،انا واخوتي سوف نسافر بعطلة العيد الضحية إلى لندن وقالوا الجماعة اللي راحوا قبلنا تراه فندق كمبرلاند زين ويهبل وبس عبيه غرفه صغيره لكن حنا جزنا به وان شاء الله يعجبنا سؤالي هل ناخذ معنا خلاقينا ملابس شتوية وإلا وشو رايكم محبتكم لطيفة

الموقع ممتاز و لكن ينقصه المساحة الغرف و الازدحام

الفندق ممتاز وخصوصا لنا كنساء لانه قريب من المراكز التجاريه والمتروو وحديقه الهايد بارك :) اعطيه 10 \\ 10

فندق الكمبرلآند شي شي لا من ناحية الموقع ولا من ناحية الغرف الكبيره طبعـآ والفطـور حقهم حلو بس زحمه ,, وكثير خليجيين ,, وأنـآ آخر مره رحت لهم بالصيف فجأه دق جرس الإنذآر وسوو زحمه والنـآس طلعوا وجت سيارة الإطفـآء آخرتهـآ مـآفي شي, بس بالأخير هو خطير وأهم شي قهوة بيرت:P

الفندق كـ موقع ماعليه كلاام ابد موقع استراتيجي درجه اولى يجمع بين اكسفورد ستريت (شارع التسوق الاول في لندن) وبين الهايد بارك والاجوررود (شارع العرب) يعتبر افضل فندق من حيث الموقع يليه جروفنر هاوس وماريوت بارك لين .. الفندق نزلت فيه شهر اوقست 2009 في الصيف يكون الفندق مززززدحم بشكل مزعج لدرجه تحس انك في الدوحه او الرياض من كثر الخليجين توقف طابور عشان تسوي التشيك ان او التشيك اوت ! خصوصا وقت الظهر .. الغرفه كان حجمها معقوول الى حد ما .. لكن كان المكيف ما يشتغل ! ولما طلبنا تغير الغرفه قالوا لنا ان الاوتيل فل ! فـ اضطرينا ننام بالحرر .. هذا غير جرس الانذاار اللي رن 3 مراات بدوون سبب !!! .. للي بيسافر اول الصيف او في فتره غير فتره الصيف انصحه بهالفندق وبقووه خصوصا اذا كان اول مره يروح لندن .. اما اذا بالصيف حاولوا تبتعدون عنه لأنه زحمممه بالصييف !!!

بصراحه مره حلو وهادئ وقريب من الاكسفورد والدجور رود وانا سكنته بوقت الكريسمس وكان سعره الف مائتين ريال سعودي ومع الافطار بعد روعه واهم شي قربه من السوق والغرف درجات كل واحده لها سعر وكانت غرفتي مطله على الشارع

بصراحه انا سمعت عنه كثير بس ابي شي واسع زي شقق فندقيه وقريبه من اكسفورد او فندق حلو بس اسعاره مناسبه بليز

بالسبة لفنادق لندن يعتبر ممتاز بس بصراحة طلعلي فار بالغرفة ولما بلغت الرسبشن يتلي الموظفة مستغربة قالتلي هذا فار مو اسد ليش انت خايف وماعجبني كلامها بس غيرولي الغرفة